Түркістан облысының әкімі Өмірзақ Шөкеев Мемлекет басшысы Қасым-Жомарт Тоқаевтың тапсырмасын әп-сәтте орындады, деп хабарлайды Elitar.kz.
Еске салсақ, бұған дейін отандық БАҚ арқылы Түркістан облысы, Ленгердегі көппәтерлі үйдің тұрғындары кәріз қалдықтарының иісі шығып тұратындығы жөнінде шағымданған еді. Президент Тоқаев тұрғындардың шағымына сәйкес Үкімет басшысы мен өңір әкіміне мәселені тездетіп шешуді тапсырды. Бұл туралы Мемлекет басшысы өзінің Twitter-дегі парақшасында жария етті.
Берілген тапсырмаға сәйкес атқарылған жұмыс туралы Өмірзақ Шөкеев Facebook-тегі парақшасында ақпарат берді.
