Түркістан қаласында жылы аялдамалардан гөрі шыны аялдама қажет. Облыс әкімдігінде өткен мәжілісте дәл осылай деген аймақ басшысы Өмірзақ Шөкеев қаладағы қазіргі аялдамаларды масқараға теңеді.
Алайда жазының ұзақтығы әрі аптап ыстығымен ерекшеленетін Түркістан қаласының халқы бұл жаңалықты қалай қабылдар екен?Бастысы, жаз ауасы түскенде аптап ыстықтың астында автобус күтетін тұрғындар шу шығармаса болды.
Айтпақшы, Өмірзақ Естайұлы облыс орталығына метроның қажеттілігі жоқтығын да атап өтті. Оның орнына қоғамдық автобус санын арттыруға білек-сыбана кіріспек.
