24 жастағы банк қызметкері өзге азаматшаның атынан жарты миллион теңгеге несие рәсімдеген болып шықты. Бұл туралы Шығыс Қазақстан облыстық Полиция департаментінің баспасөз қызметі хабарлады.
«Банк қызметкерінің айтуынша, ол несие рәсімделген жеке куәлікті көшеден тауып алған. Жас жігіт Ұлан ауданының тұрғыны болып шыққан. Жоғалған құжат иесі 36 жастағы әйел екенін анықталып отыр», - делінген ведомство мәліметінде.
Банк қызметкерінің үстінен ҚР Қылмыстық кодексінің 188-бабының 1-бөлігі бойынша іс қозғалып, сотқа дейінгі тергеу жүріп жатыр. Күдікті өз кінәсін мойындады.
