Жамбыл облысының полицейлері 12 қап есірткі тасымалдаған ер адамды ұстады, деп хабарлайды облыстық Полиция департаментіне сілтеме жасай отырып Elitar.kz.
Жамбыл облысы Полиция департаментінің патрульдік полиция батальонының қызметкерлерімен Бірлік-Мойынқұм-Ұланбел тас жолының 33-ші шақырымында Шу қаласының 40 жастағы тұрғынының басқаруындағы «Toyota Runner» маркалы автокөлігі тоқтатылды. Көліктен жалпы салмағы 287,5 келі болатын 12 қап кептірілген марихуана есірткі заты табылып тәркіленді.
"Қазіргі уақытта аталған дерек бойынша Қылмыстық кодекстің 297-бабының 3-бөлігімен сотқа дейінгі тергеу амалдары жүргізілуде. Күдікті Тараз қаласының уақытша ұстау изоляторына қамауға алынды" делінген департамент хабарламасында.
