Бұл туралы Шымкент қалалық полиция департаментінің баспасөз қызметі хабарлады.
«Бақытты балалық шақты қорғау» жобасы аясында Шымкентте әнші Бейбіт Қорғанның қатысуымен қайырымдылық концерті өтті. Аталған шараны балалар үйлері мен мектеп-интернаттың тәрбиеленушілері үшін Шымкент қаласы полиция департаменті ұйымдастыруда.
Концертке көрермен ретінде аз қамтылған және көпбалалы отбасылардың балалары мен қала тұрғындары қатысты.
Концерт бағдарламасына белгілі музыкалық композициялар енді. Кейбірін көрермендер әншімен қосыла шырқады. Одан өзге сахнада полиция, Төтенше жағдайлар жөніндегі департаментінің, Б.Момышұлы атындағы оқу орталығының шығармашылық ұжымы өнер көрсетті. Айта кетерлігі, шығамрашылық кешті 500-ден астам бала тамашалады.
