Шымкент қаласының әкімі болып Ерлан Айтаханов тағайындалды, деп хабарлайды Еlitar.kz.
ҚР Президентінің Жарлығымен, қалалық мәслихаттың келісімі бойынша Шымкент қаласының әкімі болып Ерлан Айтаханов тағайындалды. Жаңа әкімді Президент әкімшілігінің басшысы Қырымбек Көшербаев таныстырды.
Ерлан Қуанышұлы Айтаханов 10.12.1971 жылы ОҚО, Бәйдібек ауданы, Шаян а/о (Алғабас ауданы) дүниеге келген.
М. В. Ломоносов атындағы Мәскеу мемлекеттік университетін (1994) экономист мамандығы бойынша бітірген. Қазақ мемлекеттік заң академиясында (2001) заңгер мамандығын алған.
Еңбек жолын "Alem Bank Kazakhstan"-да экономист (1994-1995) болып бастаған.
Орталық Азия ынтымақтастық және даму банкінің бас маманы (1995);
"Газойл" фирмасының қаржы директоры (1995-1997);
"Қазақстан темір жолы" республикалық мемлекеттік кәсіпорны мен өзара есеп айырысу бөлімінің бастығы (1997-1998);
"Қазақстан темір жолы" республикалық мемлекеттік кәсіпорнының "Жолаушылар тасымалы" еншілес мемлекеттік кәсіпорны директорының орынбасары (1998-1999);
"Қазақстан темір жолы" республикалық мемлекеттік кәсіпорны бастығының орынбасары, Қаржы және бухгалтерлік есеп Бас басқармасының бастығы, экономика, қаржы және бухгалтерлік есеп департаментінің бастығы (1999-2002);
Қазақстан Республикасы Көлік және коммуникациялар министрлігі директорының міндетін атқарушы, қаржылық реттеу департаментінің директоры (2002-2003);
Қазақстан Республикасы Табиғи монополияларды реттеу және бәсекелестікті қорғау жөніндегі агенттігі Төрағасының кеңесшісі (2003-2004));
Алматы қаласының Табиғи монополияларды реттеу және бәсекелестікті қорғау жөніндегі агенттігі департаментінің директоры (2005-2006));
Алматы қаласының тарифтер жөніндегі басқармасының бастығы (2006-2007));
Қазақстан Республикасы Қаржы министрлігінің Ақмола облысы бойынша Қаржылық бақылау және Мемлекеттік сатып алу Комитеті басқармасының бастығы (инспекция), қаржылық бақылау комитетінің бастығы (04.2008 бастап) (02.2007-03.2009);
Қазақстан Республикасы Оңтүстік Қазақстан облысы әкімінің орынбасары (03.2009-02.2012);
Қазақстан Республикасы Президенті Әкімшілігінің мемлекеттік инспекторы (02.2012-10.2014);
Оңтүстік Қазақстан облысы әкімінің орынбасары (10.2014-01.2016);
Оңтүстік Қазақстан облысы Отырар ауданының әкімі (01.2016-07.2019)
