Оқиғаға қатысты Шымкент қалалық Полиция департаментінің баспасөз қызметі ресми мәлімдеме жасады, деп хабарлайды Elitar.kz.
Шымкент қаласы Полиция департаментінің қызметкерлері үш жасар қыздың өліміне қатысты сотқа дейінгі тергеп-тексеру амалдарын жүргізіп жатыр.
"Сараптаманың алдын ала қорытындысы бойынша жасөспірім қыздың өлімі құлау нәтижесінде «құсу массасының механикалық асфиксиясынан», яғни, өз құсығына тұншығып қалу салдарынан болуы мүмкін делініп отыр. Себебі оның ішкі құрылысында шайқалу белгілері бар.
Сонымен қатар, сараптама оның денесінен зорлық-зомбылық белгілерін таппаған" делінген ведомство мәліметінде.
Қазіргі таңда істің мән-жайын анықтауға бағытталған барлық қажетті жедел-тергеу іс-шаралары жүргізіліп жатыр және тиісті сараптамалар тағайындалды.
"Іс бойынша тергеп-тексеру амалдары Шымкент қаласы прокуратурасы мен Полиция департаменті басшылығының жіті бақылауында.
Өзге ақпарат ҚР ҚПК-нің 201-бабына сай тергеу мүддесінде жариялауға жатпайды",-департаменттегілер.
