Белгілі болғаны, бүлдіршін үлкендердің қарауынсыз қалған. Оқиға Сайрам шағынауданында орын алды, деп хабарлайды Elitar.kz.
Бүлдіршін үйінен шығып темір жол бойындағы қоршаудан асып өткен. Ал бұл сәтте пойыз жүйткіп келе жатқан. 3 жастағы бала оқиға орнында көз жұмды. Қазіргі таңда бұл оқиғаға қатысты ҚР Қылмыстық кодексінің 344-бабының 2-бөлігімен тексеру жүргізілуде.
Айта кетейік, оқыс жағдай Қызылсай-Шымкент стансалары аралығында 3296 шақырым 8-пикет тұсында орын алды.
