Үшінші мегаполисте тағы да үшем дүниеге келді. 32 жастағы келіншек үшемді ота көмегімен босаныпты. Динара Нәлібаева енді алты баланың анасы атанып, мерейі тасып отыр, деп хабарлайды Elitar.kz тілшісі.
Дәрігерлердің айтуынша, 33 аптада дүниеге келген сәбилердің салмағы - 1300-1700 грамм аралығында, бойлары – 38-40 см. Олар екі апта ішінде салмақ қосып, жағдайлары жақсара бастаған. Сондықтан, бүгін, 27-желтоқсан күні перзентханадан шығарылмақ. Сондай-ақ, анасы мен күйеуі Шахшанбай Мәди екі ұл, бір қызға - Омар, Осман, Зейнеп деп есім беріп үлгеріпті.
