29 сәуір, 18:45
Тұрғындарға атаулы әлеуметтік көмекті дер кезінде үлестіру үшін қазір мамандар күні-түні жұмыс істеуде. Халыққа ыңғайлы қызмет көрсету үшін Шымкенттегі аудан әкімдіктерінде, халыққа қызмет көрсету орталықтарында қала бойынша 8 жерде жұмыспен қамту орталығының бөлімшелері ашылған. Қабылдау орындарында 150 адамға дейін жұмылдырылған. Олар сәуір айы басталғалы 14000-нан астам тұрғыннан жаңа өтініш қабылдаған.
"Шымкент қаласы бойынша атаулы әлеуметтік көмекке өтініш білдірген отбасыларға сәуір айында қабылданған өтініштердің барлығы қамтылады. Сонымен қатар, қала тұрғындарының әлеуметтік көмек ала алмай қаламын деген күдіктің болдырмауын және барлық сәуір айында өтініш білдірген отбасыларға толыққанды заң аясында өтініштер қаралып, толық қамтылады",- деді Шымкент қаласы әкімінің орынбасары Гүлжан Құрманбекова.
Салаға жауаптылар атаулы әлеуметтік көмекке қаралған қаражаттың жеткілікті екенін айтады. Сондықтан да көмекке зәру тұрғындардың алаңдауына еш негіз жоқ. Айта кетейік, былтыр Шымкентте 10 мыңнан отбасы атаулы әлеуметтік көмек алыпты. Биыл бұл жәрдемді алатындар саны едәуір артпақ. Қазірдің өзінде 6 мыңға жуық отбасыға қаржылай көмек тағайындалды.
Автор:
Мақпал Рысбаева
