Жол-көлік апаты кеше түскі уақытта қала орталығындағы автотұрақтардың бірінде орын алған, деп хабарлайды Шымкент қалалық полиция департаментінің баспасөз қызметіне сілтеме жасай отырып Elitar.kz.
Әл-Фараби аудандық полиция басқармасының кезекші бөліміне қаладағы автотұрақтардың бірінде «Opel Kadett» автокөлігінің жүргізушісі кәмелет жасқа толмаған балаларды қағып кеткені туралы хабарлама келіп түскен.
Оқиға орнына жедел жеткен патрульдік полиция тобының қызметкерлері көлік тізгіндеген жүргузішінің 6 жасөспірім баланы қағып кеткенін анықтады. Жол-көлік оқиғасының салдарынан зардап шеккен бір жасөспірім қалалық аурухананың жансақтау бөліміне жеткізілді. Қалған 5-еуі жеңіл жарақат алып, үйлеріне қайтарылды.
"Бірнеше сараптамалар тағайындалды. Қазіргі таңда аталған жайт бойынша ҚР ҚК-нің 345 бабы, 2 бөлігімен сотқа дейінгі тергеу амалдары жүргізілуде" делінген ведомство хабарламасында.
