Шымкент қаласында тағы 9 адамнан COVID-19 диагнозы расталды.
Төтенше жағдай жөннідегі жедел штабтың мәліметінше, ауру жұқтырғандар бұған дейін қауіпті індет анықталған науқаспен қарым-қатынаста болып, карантиндік стационарға жатқызылғандар. Олардан диагностикалық зерттеу қорытындысымен COVID-19 диагнозы нақтыланды.
Қазіргі таңда науқастардың жағдайлары қанағаттанарлық. Бекітілген хаттамаға сәйкес тиісті ем жүргізілуде.
Науқастармен қарым-қатынаста болған адамдар анықталып, барлығы медициналық бақылауға алынуда. Ауру ошақтарында эпидзерттеу, дезинфекциялық жұмыстар жүргізіліп жатыр.
Айта кетейік, Шымкентте COVID-19 коронавирус инфекциясын жұқтырғандар саны 80 адамға жетті.
