Шымкентте коронавирусқа шалдыққан 40-шы науқас туралы не білеміз?

15 сәуір, 11:54

Шымкентте COVID-19 диагнозы анықталғандар саны 40 адамға жетті.

Төтенше жағдай жөніндегі қалалық жедел штаб мәліметінше, вирусты инфекция жұқтырған азаматша Шымкент қаласының 1997 жылы дүниеге келген тұрғыны. Ол коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылған. Зертханалық сынама алынып, диагностикалық зерттеу қорытындысымен COVID-19 диагнозы нақтыланды.

Қазіргі таңда науқастың жағдайы қанағаттанарлық. Бекітілген хаттамаға сәйкес тиісті ем жүргізілуде. Онымен қарым-қатынаста болған адамдар анықталып, барлығы медициналық бақылауға алынуда.

Ауру ошақтарында эпидзерттеу және дезинфекциялық жұмыстар жүргізілуде.