14 сәуір, 11:46
Шымкент қаласында коронавирустан көз жұмған науқас 1962 жылы туылған. Түркістан облысы, Қазығұрт ауданына қарасты Рабат ауылының тұрғыны.
Науқас 11 сәуір күні Шымкент қаласының жұқпалы аурулар ауруханасына жатқызылған. Ауыр жүк көлігінің жүргізушісі транзитпен "Қарағанды-Новосібір» бағыты бойынша жол жүріп бара жатқанда ыстығы көтеріліп, дәрігер көмегіне жүгінген.
58 жастағы ер кісі инфекциялық аурухананың жансақтау бөліміне жатқызылған. Ол денсаулығының нашарлауына байланысты реанимациялық бөлімнің өкпені жасанды желдету аппаратына қосылған.
Төтенше жағдай жөніндегі қалалық жедел штабтың мәліметінше, науқас бұған дейін артериалдық гипертензия ауруымен диспансерлік есепте тіркеуде тұрған.
Вирус жұқтырған азаматқа емдеу хаттамасына сәйкес қажетті ем шаралары жүргізіліп, республикалық мамандармен біреше рет кеңес жүргізілген.
Бүгін таңғы сағат 07-лер шамасында науқас реанимациялық бөлімде қайтыс болған. Науқаспен қарым-қатынаста болған ұлы Шымкент қаласындағы жұқпалы аурулар ауруханасына оқшауланып, стационарға жатқызылған.
