Түн жарымда полицияға белгісіз азамат қоңырау соғып, лаңкестік әрекет жасау туралы хабарлаған, деп хабарлайды Elitar.kz.
"Шымкент полиция департаментінің ақпараты бойынша, қоңырау түнгі сағат 00.15-те келіп түскен.Оқиға орнына келген Шымкент полиция департаментінің экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу барысында күдіктіні ұстады. Ол Шымкент қаласының Тассай елді мекенінің тұрғыны болып шықты. Аталған факті бойынша ҚР ҚК - нің 273-бабы "Терроризм актісі туралы көрінеу жалған хабарлау" бойынша сотқа дейінгі тергеу жүргізілуде", - деп түсіндірді Шымкент полиция департаменті.
