Оңай жолмен заңды белшесінен басып, табыс тапқысы келгендердің алдағы тағдырын сот шешетін болады.
Шымкент қалалық экономикалық тергеу департаментіндегілердің айтуынша, казино саунаның жертөлесінде жұмыс істеп келген. Арнайы тексеру кезінде казино ішінде 9 ойыншы болған. Департамент қызметкерлері тексеру барысында 1435 ойын фишкасы мен 5 колода, 3 ойын үстелі және 1 бейнекамера тәркілеп алды. Қазіргі таңда аталған факті бойынша ҚР ҚК 307-бабы 2-бөлігі 2-тармағымен сотқа дейінгі тергеп-тексеру амалдары басталды.
