"Silk Way Shymkent Summit: керуендер оралады" - Шымкентте өтіп жатқан форумның толық атауы осындай. Мұндай атау кездейсоқ таңдалған жоқ. Шымкент қаласының әкімі Ғабидолла Әбдірахымов саммитті аша отырып: "Шымкент тарихшылары мен археологтарының мәліметтері бойынша, көне қала-шамамен 2200 жыл бұрын пайда болғанын дәлелдейтін деректер бар. Осыған байланысты ЮНЕСКО-ға осы мәліметті халықаралық деңгейде растау үшін тиісті материалдар жіберілді",-деді.
"Шымкент - Жібек Жолының жүрегі. Мұнда ғасырлар бойы керуендер жүріп, біздің керуен-сарайларда сауда, өнер қарыштап, ақындар, әскери адамдар тоқтады. Олар шай ішіп, тарихтан сыр шертті, - деді Ғабидолла Әбдірахымов.
Белгілі
кәсіпкер Арманжан Байтасов форумның
модераторы ретінде Silk Way Summit-ті
Шымкент қаласында өткізуге шешім
қабылдау кездейсоқ емес екенін, қалада
кәсіпкерліктің қарыштайтынын айтты.
Форум алаңы қаладағы бизнестің дамуына
және оған миллиондаған инвестиция
тартуға ықпал ететін болады. Форум
қонақтары Айдын Рахымбаев, Райымбек
Баталов, Серік Түлбасов, Исламбек
Салжанов, Эдуард Ким, Андрей Лаврентьев,
Рамиль Мухоряпов, Иван Каменский, Қайрат
Құдайберген, Бейбіт Әлібеков, Арманжан
Байтасов, Ларион Лян, Дана Орманбаева,
Қайрат Мәжібаев, Махмуд Шадиев.
Silkway Shymkent Summit
шетелдік және қазақстандық кәсіпкерлер
мен инвесторларды қолда бар өнеркәсіптік
активтерді дамытуға және ресурстар мен мүмкіндіктерді барынша
пайдалана отырып, Шымкент қаласының
жаңа жобаларын ілгерілетуді ынталандыруға
бағытталған.
Форумда e-commerce, масс-медиа,
әйелдер кәсіпкерлігін дамыту бойынша
панельдік сессиялар өтеді, сондай-ақ
Қазақстандағы орта және ірі бизнестің
өзекті мәселелері талқыланады.
Форум Shymkent ӘКК, Forbes Kazakhstan-ның ұйымдастыруымен, сондай-ақ
Шымкент әкімдігінің қолдауымен өтті.
