06 сәуір, 11:25
Шымкент қалалық Полиция департаментінің иәліметінше, бүгінгі таңда үшінші мегаполисте 18 блок-бекет жұмыс істеуде. Онда 692 қызметкер жұмылдырылған. Оның 230-ы полиция қызметкері, 216 -сы медицина қызметкері, 168-і қарулы күштер және 60-ы ұлттық ұлан сарбаздары. Барлығы да 3 ауысымда тәулік бойы қызмет атқаруда.
«Төтенше жағдай кезеңінде қойылған шектеулерді бұзғаны және санитарлық талаптарды сақтамағаны үшін 596 тұлғаға Әкімшілік кодексінің 476-бабымен хаттама толтырылып, жинақтау іс-құжаттары шешім қабылдау үшін сотқа жолданды. 20 тұлға әкімшілік қамауға алынды, 4 тұлғаға айыппұл салынды, қалған істер қаралу сатысында», - делінген хабарламада.
