Жуырда Әділет департаментінің мамандары мен экономикалық тергеу қызметінің өкілдері бірлесіп, әлемге танымал "Орбит" сағызының жалған түрінің сатылуына бөгет жасады. Сала мамандарының айтуына қарағанда, бұл тауарлар қаладағы сауда орындарында ашықтан-ашық сатылып келген. Бірлескен топ айғақты зат ретінде белгілі сауда бренді пайдаланылған тауарлардың 18 мың данасын жойған. Контрафактілік өнімдер бойынша "Elitar.kz" тілшісіне сұқбат берген Шымкент қалалық Әділет департаменті басшысының орынбасары Салтанат Нұрмыбетова бұл істің қылмыстық құрамы анықталмағандықтан сотқа жолданбай, қысқартылды деп отыр.
