Алматы тас жолы мен Қ.Төлеметов көшесінің қиылысының алдында 16-17 жас аралығындағы жастар арасында жанжал орын алып, олардың біреуі белгіленбеген қарудан оқ атқан. Салдарынан кәмелетке толмаған бір жасөспірім дене жарақатын алған.
Бұл туралы Шымкент қалалық Полиция департаментінің баспасөз қызметі хабарлады.
Оқиға 2019 жылдың 8 қыркүйегінде орын алған.
"Бұл жайт Абай ауданы Полиция басқармасымен ҚР ҚК-нің 293-бап 3-бөлігі 2-тармағымен сотқа дейінгі тергеп-тексерудің бірыңғай тізіліміне тіркелген. Күдіктілердің жеке басы тергеу барысында кәмелетке толмаған 5 жасөспірім анықталды. Қазіргі таңда олардың екеуі құқықбұзушылыққа қатысы бар-жоғын анықтау үшін ұсталған. Қалғандарын ұстау бойынша жедел кешенді іс-шаралар жүргізілуде. Сотқа дейінгі тергеп-тексеру амалдары жалғасуда" делінген ведомство хабарламасында.
Еске салсақ, бұған дейін Шымкентте мектеп оқушылары төбелесіп қалғаны туралы жазғанбыз. 16 жасар жасөспірім дене жарақатын алған. Қылмыс жасады деген күдікпен екі кәмелетке толмаған жасөспірім уақытша ұстауа абақтысына қамауға алынып, олардан пышақ, шолақ мылтық және травматикалық тапанша тәркіленген болатын.
