Бұл туралы ҚР Премьер-министрдің орынбасары Гүлшара Әбдіхалықованың қатысуымен Шымкентте өткен жиында компания басшысы Қайрат Молдасейітов айтты.
«Бізде 765-тей адам жұмыс істейді. Оынң 72-сі көпбалалы ана болса, 15-і мүмкіндігі шектеулі жан. Биыл біздің 35 қызметкеріміз қолдаудың арқасында пәтерлі болды. Біздің компанияда орташа жалақы - 143 мың теңгені құрайды, ең төменгісі - 68 мың теңге. Оны күзетпен айналысатындар алады. Олар 1 күн жүмысқа шығып, 2 күн демалады. Демалған кезде қосымша жұмыс істеп, табыстары бар деп ойлаймыз. Кеңседе еден жуушылар 156 мың теңге айлық алады. Жұмыстарын тыңғылықты істейді. Соңғы төрт жылдан бері біз жыл сайын қызметкерлеріміздің жалақысын 10 пайызға арттырып келеміз. Бұны алдағы уақытта да жалғастырамыз деп ойлаймыз»,-деді «Отау строй» компаниясының басшысы, белгілі меценат Қайрат Молдасейітов.
«Елбасымыздың оң саясатының, Үкіметтің қолдауының арқасында және кәсіпкерлердің іскерлігінің, еңбекқорлығының арқасында бірқатар азамматар атқа мініп, үлкен табыстарға қол жеткізгені барлықтарыңызға мәлім. Жылдар бойы тапқан табыстарын елмен бөлісу, әлеуметтік салаға қолдау көрсету - әр кәсіпкердің борышы деп ойлаймыз. Өзіміз қалада құрылыс саласында көптеген қызмет көрсетеміз» деген кәсіпкер өзі басшылық ететін мекемеде мүмкіндігі шектеулі азаматтарға көбірек назар аударылғанын айтты.
«2011 жылы Түкрістан қаласында өз қаржымызға мүгедек балаларға арналған коррекциялық орталық салдық. 2012 жылы дәл осы Түркістанда 18 пәтерлі екі қабатты үй салып бердік. Сонымен қатар Шымкентте ВИЧ-ке шалдыққан балаларға арнап психологиялық және амбулаториялық көмек беретін ғимарат тұрғыздық. Былтыр Шымкентте ДЦП және даун дертімен шалдыққан бүлдіршіндерге арнап 110 орындық қос балабақша салдық»,-деді Қайрат Молдасейітов.
