Сириядан Қазақстанға 231 азаматты қайтару мүмкін болды. Бұл осы жылдың қаңтар айында басталған арнайы операцияның бір бөлігі, деп хабарлайды "МИР 24" телеарнасына сілтеме жасай отырып Elitar.kz.
Құтқарылғандардың жартысынан астамы балалар. Олардың 18-інің ата-анасы қаза болған, кейбірі із-түзсіз жоғалып кеткен. Көшірілгендердің барлығы өз еркімен отанына оралды. Қазір олар оңалту орталығында, психологтардың қарауында. Ерлер мен әйелдердің террористік әрекетке қатысқандығы тексереді.
"Қазақстанға келгеннен
кейін 16 ер адам мен төрт әйел ДАИШ жағында
лаңкестік әрекетке қатысы бар деген
күдікпен ұсталды . Олар Нұр-Сұлтан,
Атырау, Орал, Ақтөбе, Қарағанды және
Шымкент қалаларында қылмыстық істерді
тергеу орындарына кезең-кезеңімен
жіберілді. Тиісінше, оларды қамауға алу
туралы шешім шығарылды, – деп мәлімдеді
Қазақстанның Ұлттық қауіпсіздік
комитетінің департамент бастығы Бақытбек
Рахымбердиев.
Қазір
Сирияда шамамен 300-ге жуық қазақстандық
қалып отыр. Олардың көбі балалар.
