Батура Мамедова үйіне 200 метр қалғанда бақилық болған. Алматы облысында екі апта бұрын жоғалып кеткен 40 жасар екі баланың анасы табылды. Оның мүрдесі Береке ауылының маңына көмілген екен.
Іс бойынша қазір Алматының екі тұрғыны тергеліп жатыр. Олар таксист және оның жұбайы. Көрші ауылдан такси тоқтатқан келіншекке олар қарақшылық шабуыл жасаған. Марқұм күнде осы бағытпен үйіне қайтып жүрген. Жұмыстан үйге әдетте кешкі 10-ға жақын келетін.
«Қыз
артынан оған тап беріп, қатты нәрсемен
басынан ұрған. Осы кезде ер адам жүргізуші
орындығынан оған пышақпен шабуыл
жасаған. Және оның бетіне, мойнына пышақ
жарақатын салған"-,деді Б. Мамедованың туысы Рагиля Рустамова.
Күдіктілердің
жасы 27-де. Батура Мамедованың туыстары
шабуыл жасағандарды марқұмның 20 мың
теңгесі мен алтын әшекейлері қызықтырған
деп отыр.
Құқық
қорғау органдары барлық мәліметтерді
ашпады. Күдіктілер 40 жастағы әйелді
алдымен пышақтап, сосын көміп кеткен.
Алматы облысының полициясында сотқа дейінгі тергеу басталды және бірнеше сараптама тағайындалды. Күдіктілер ведомствода хабарлағандай, қамауға алынды. Және бәрін де мойындады.
"Бірнеше болжам жасалды, олардың біреуі кейіннен расталды. Яғни, әйел тонаудың құрбаны болуы мүмкін деген болжам. Қазір Іле АІІБ қызметкерлері тергеумен айналысып жатыр, сондай-ақ іс облыстық полиция департаментінің ерекше бақылауында",- деді Алматы облысы полиция департаментінің ресми өкілі Көбейхан Нұрахмет.
