31 мамыр, 16:00
Әскери қызметші түнгі ауысымнан кейін демалып, тоған жағасына шықанда, көмек сұрап айқайлаған дауысты естіген.
"Бидайық авто" шекаралық бақылау бөлімінің әскери қызметкері Сергей Гайдай түнгі ауысымнан кейін демалып, СҚО, Уәлиханов ауданына қарасты Бидайық ауылының тоғаны жағасына бет алады. 18:30 шамасында ол көпірден көмек сұраған балалардың дауысын естіген.
Көпір бойында үрейленген екі оқушы қыз әрлі-берлі жүгіріп жүрген, ал әйел адам суға батып бара жатқан екен. Сергей ойланбастан суға секіріп, әйелге қарай жүзе жөнеліпті. Шекарашы осы сәтте суға батқан бес жастағы баланы да байқап, оны жоғарыға алып шыққан.
Бес жастағы Нұрәділ тіршілік белгілерін бермеген соң шекарашы оған жасанды тыныс жасап, жүрекке тікелей массаж жасап, осы сәтте бала көзін ашып, тыныс алдған. Кейін белгілі болғандай, ол тек екі өмірді құтқарып қалған жоқ, 1982 жылы туылған Махаббат Жетпісова жүкті болып шықты.
Құтқарылған әйелдің туыстарының айтуынша, бұл ел арасында қауіпті көпір саналады екен. 2002 жылы осы көпірден келіншектің 27 жастағы қайын ағасы да суға батып кеткен.
