Шымкент полиция департаментінің қызметкерлері 17-18 маусым күндері сағат 09:00-19:00 аралығында мегаполис аумағында «Жолда қабылдау» акциясын өткізді. Іс-шараның мақсаты – азаматтардың құқықтық сауаттылығын арттыру және олардың мәселелерін уақытылы шешу.
Акцияның екі күнінде полицейлер 512 азаматтың сауалына жауап берді. Олардың көпшілігін әкімшілік айыппұлдар туралы сұрақтар қызықтырды. Сонымен қатар, call-орталыққа азаматтардан төрт қоңырау түсті.
"Бұл акция облыс аумағында жыл басынан бері алтыншы рет өткізіліп келеді. Көлік қозғалысының жоғары шоғырланған аудандарын алдын-ала талдап, акцияның өтетін орнын анықтаймыз. Бүгінде жол қозғалысы қауіпсіздігі мәселелері бойынша және жол-көлік оқиғасы туындаған жағдайда құқықтық кеңес бере алатын мамандар қатысуда. Негізгі мақсат - жол қозғалысының қауіпсіздігін арттыру, жүргізушілердің жауапкершілігін және сапар барысында өздері мен жолаушылардың қауіпсіздігін түсіндіру", – деп түсіндірді үшінші мегаполис полиция департаментінің баспасөз қызметі.Айта кету керек, акция құқық қорғау органдары қызметкерлері мен тұрғындар арасында тиімді кері байланысты орнатуға, қоғамдағы өзекті мәселелерді шешуге ықпал етеді.
"Өткен жылдардағы тәжірибе жол проблемаларын білуге, қала тұрғындарының пікірін тыңдауға және ең бастысы, азаматтарға жақын болуға мүмкіндік беретін осындай акциялардың жоғары тиімділігін көрсетті. Алдыңғы осындай акция кезінде ПІБ-ға 1,5 мыңнан астам адам түрлі сұрақтармен жүгінді. Сауалнамаға 1 573 өтініш келіп түсті, 1 312 адам қатысты. Инспекторлар азаматтарды сауда үйлерінің жанында, вокзал маңындағы алаңдарда, киім базарлары ауданында қабылдады. Акцияға қатысушыларға жол қозғалысы қауіпсіздігін қамтамасыз ету бойынша үгіт материалдары таратылды", - деп хабарлады қалалық полиция департаментінің баспасөз қызметі
