Елімізде 1 сәуірден бастап такси жүргізушілері жолаушыларға түбіртек беруге тиіс, деп хабарлайды Elitar.kz.
Естеріңізде болса, «Салық төлеушілер Қазақстан Республикасының аумағында қызметін жүзеге асырғанда ақшалай есеп айырысулар кезінде деректерді тіркеу немесе беру функциясы бар бақылау-касса машиналарын қолданатын қызмет түрлерін бекіту туралы» қаржы министрінің 2018 жылғы 16 ақпандағы №206 бұйрығына өзгерістер мен толықтырулар енгізілген болатын. Бұл өзгерістер 1 сәуірден бастап күшіне енеді. Салық төлеушілер өз қызметін жүзеге асырғанда ақшалай есеп айырысулар кезінде деректерді тіркеу және беру функциясы бар бақылау-касса машиналарын қолданатын қызмет түрлерінің тізімі 323-ке жетіп отыр. Атап айтқанда, таксишілермен бірге сұлулық салонының қызметкерлері мен шаштараз, ломбард, қонақүйлер, құмар және бәс тігу ойындарын ұйымдастырушылар, аудио және бейнетехникалар мен тұрмыстық электр тауарларының бөлшек саудасымен айналысушылар, сондай-ақ сылақ жұмыстарын орындаушылар да көрсеткен қызметі үшін түбіртек беруге міндеттеліп отыр.
