Американдық танымал баскетболшы Коби Брайант пен оның 13 жастағы қызы Калифорния штатында тікұшақ апатынан мерт болды.
Қайғылы оқиға кеше, 26 қаңтарда Лос-Анджелеске қарасты Калабасас қаласының маңында орын алды. Әуеде ұшып бара жатқан тікұшақтан өрт шығып, кейін жерге барып құлаған. Бір пилот пен сегіз жолаушының барлығы оқиға орнында көз жұмды. Олардың қатарында әлемге танымал баскетболшының қызы да бар. Әзірге апаттың нақты себебі белгісіз, арнайы мамандар оқыс оқиғаның шығу себебін анықтаумен айналысып жатыр.
Айта кетейік, Коби Брайант 1978 жылы 23 тамызда Филадельфияда дүниеге келген.
