Шымкентте телефонын "зарядтап" жатқан 23 жастағы жігітті ток ұрып, көз жұмды, деп хабарлайды Еlitar.kz.
Қайғылы жағдай шілденің 14-нен 15-не қараған түні болған. Шымкент қаласына қарасты Сайрам ауылы Абдуллабад ауылының тұрғыны 1996 жылы туған ер адам ұялы телефонын қуат көзінен алмақшы болғанда электр розеткасынан ток ұрған.
Төтеншеліктердің айтуынша, жігіт су қолымен телефонның қуаттағышын ұстаған. Жас жігіт оқиға орнында бақилық болған. Бұл туралы Шымкент қалалық төтенше жағдайлар департаментіне түнгі сағат 02.30-да хабарлама кеп түскен.
Айта
кетейік, бұл биылдыққа тіркелген
осы сипаттағы 1-ші қайғылы жағдай екен.
Былтыр 3 оқиға тіркеліп, 4 адам қаза
тапқан. Оның 2-і 2004 ж. және 2009 жылы туған
балалар.
