Төлеби ауданында із-түзсіз жоғалып кеткен мектеп оқушысы үш күн бойы жұмыс істеп жүрген

25 қараша, 12:35

Түркістан облыстық полиция департаментінің мәліметінше, із-түзсіз жоғалып кеткен жасөспірім үш күн бойы жұмыс істеп жүрген, деп хабарлайды Elitar.kz.

Төлеби аудандық полиция басқармасына жасөспірімнің әкесі келіп, 2005 жылы дүниеге келген ұлының үйіне оралмағанын айтып шағымданған. Аталған жайт бойынша ювеналды полиция инспекторлары шұғыл іздестіру жұмыстарына кірісті. Үш күн бойы жүргізілген іздестіру жұмыстарының нәтижесінде жасөспірім үйінен 25 шақырым қашықтықтағы аудан орталығы Леңгір қаласында жүрген жерінен табылды. Белгілі болғаны, оқушы жұмыс істеп, ақша табу үшін үйінен кеткен. Леңгірде бір жігітпен танысып, соның үйінде түнеп жүрген. Жасөспірім үйіне жеткізілді.