Төлеби АПБ-не осы ауданның Ленгер қаласында орналасқан түзеу мекемесінен майор Оспанов хабарласып, №1 бақылау бекетіне келген азаматтың кескін-келбеті күдік тудырғанын айтады. Аталған ақпарат бойынша аудандық полицейлер тез арада түзеу мекемесіне келіп, тінту барысында күдіктінің аяқ киімі ішінен ұялы телефон мен құлаққап (наушник) және ақ параққа оралған жасыл түсті, хош иісті кептірілмеген есірткі затына ұқсас өсімдік табылып, мекеме ішіне өткізбек болған жерінен ұсталды.
"Айғақты заттар тәркіленіп алынып, өсімдік сараптамаға жіберілді. Сараптама қорытындысына сәйкес, зерттеуге ұсынылған өсімдік массасы 4 грамға жуық марихуана екені анықталды. Полицейлердің анықтауынша, күдікті азамат түзеу мекемесінде жатқан ағасының хал-жағдайын білу мақсатында кездесуге келген. Күдіктіге ҚР ҚПК-нің 128-бабы «Күдіктіні ұстап алу» бойынша бұлтартпау шарасы қолданылып, қамауға алынды. Қазіргі таңда сотқа дейінгі тергеу амалдары жүргізілуде. Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 24-бабы «Қылмысқа дайындалу және қылмысқа оқталу» және 297-бабы «Есірткі, психоттроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» баптарымен тіркелді",-делінген Түркістан облыстық полиция департаменің баспасөз қызметі берген мәліметте.
