Дональд Трамп пен Республикалық партия мүшелері Америка Құрама Штаттарындағы екі бірдей жаппай атыс оқиғасынан кейін жантүршігерлік жағдайды видео ойындармен байланыстырды, деп хабарлайды ridus.ru порталы.
Сенбі күні Техас штатындағы Эль-Пасо сауда орталығында ер адам автоматпен оқ жаудырып, 22 адам қаза тапты, тағы 24 адам жарақат алды. Жаппай оқ ату оқиғасы жексенбі күні таңертең Огайо штатында қайталанды, нәтижесінде 9 адам қаза тауып, 27 адам жарақат алды.
Шабуылдан
кейін Республикалық партия мүшелері
мен Трамптың өзі осындай оқиғаларға
бейне ойындар әсер ететінін айтты.
"Біз қоғамды зорлық-зомбылыққа
үндейтіндерді тоқтатуымыз керек. Бұл
әдеттегі құбылысқа айналған қорқынышты
бейнеойындарға да қатысты. Бүгінгі
жастарды зорлық-зомбылыққа дәріптеу
оңай. Біз оны тоқтатуымыз немесе
айтарлықтай азайтуымыз керек және мұны
дереу бастауымыз керек", - деді Трамп
дүйсенбі күні эфирде.
Бұл Трамптың бейне ойындар мен жалпы ғаламторды
зұлымдық ретінде атаған бірінші жағдай
емес. Өткен жылдың ақпан айында Флорида
штаты Парклендтегі жойқын мектеп
шабуылына жауап ретінде, президент Ақ
үйдегі қауіпсіздік жөніндегі жиналысқа
қатысушыларға: "мен көптеген адамдардың
бейне ойындардағы зорлық-зомбылық
деңгейі шынымен жастардың ой-санасын
улайтынын естідім", - деген болатын.
