АҚШ-тың Өкілдер палатасы Президент Дональд Трамптың импичментіне қатысты істі Сенатқа жіберу туралы шешім қабылдады, деп хабарлайды ВВС-ге сілтеме жасап Elitar.kz.
Бұл іске қатысты 228 конгрессмен қолдап дауыс берсе, 193-і қарсы болған.
Өкілдер палатасының спикері Нэнси Пелоси тиісті құжаттарға қол қойды. Енді Трампты лауазымнан алып тастау немесе қызметінде қалдыру туралы шешімді Сенат қабылдайтын болады.
Еске салсақ, АҚШ Президенті Трампқа өз қызметін асыра пайдаланды және Конгресс жұмысына кедергі келтірді деген айып тағылып отыр.
