Түркістан облыстық полиция департаментінің Криминалды полиция басқармасының қызметкерлері пәтерде заңсыз қару сақтағандарды құрықтады, деп хабарлайды Elitar.kz тілшісі.
2019 жылдың 9 ақпаны күні жедел-іздестіру шарасы барысында Шымкент қаласының пәтерлерінің бірінен қару сақтаған күдікті ретінде 4 жас жігіт ұсталған. Жедел уәкілдер Түркістан облысының тұрғынынан екі дана кесілген шолақ мылтық пен гильзаны тауып тәркіледі. Полиция бөліміне ұсталғандар болған мән-жайды анықтау үшін жеткізілді.
"Аталған дерек ҚР ҚК-нің 287-бабы «Қаруды, оқ-дәрілерді, жарылғыш заттарды және жарылыс құрылғыларын заңсыз иемдену, беру, өткізу, сақтау, тасымалдау немес алып жүру» бойынша СДТБТ тіркеуге алынды. Сараптама тағайындалып, күдіктілер қамауға алынды"- деп хабарлайды Түркістан облыстық полиция департаментінің баспасөз қызметі.
