​Түркістан облысында мұнай өңдеу зауыты салынбақ

Зауыт қазақстандық инвестор есебінен бой көтереді

Түркістан облысында қуаттылығы жылына 2 млн тоннаны құрайтын мұнай өңдеу зауыты салынатын болды, деп хабарлайды Elitar.kz.

Жаңа зауыттың құрылысы Түркістан облысының Ордабасы ауданында жүргізілетін болады. Инвестор - отандық «Standard Petroleum & Co LLP» компаниясы. Жобаның жалпы құны - 95 млрд теңгені құрайды.

TURKISTAN INVEST инвестициялық компаниясының баспасөз қызметінің мәліметінше, зауыт іске қосылса, жаңа 1 мың жұмыс орны пайда болмақ.

Бүгінгі күні 250 гектар жер аумағында жерге орналастыру жұмыстары жүзеге асырылып, қоршаулар орнатылып жатыр. Одан өзге электр желілері өткізіліп, учаскеге жол салынған.

«Түркістан» ƏКК» АҚ филиалы - «Turkistan Invest» инвестициялық компаниясының қолдауымен жүзеге асырылатын жоба 2021 жылы іске қосылады деп күтілуде.

Өнімді Қазақстан нарығына шығарып және ТМД елдеріне экспорттау жоспарлануда.

ФОТО: egemen.kz