Бұл Түркістан облысы әкімінің орынбасары Мейіржан Мырзалиевтің «Chaudhary Group (CG Global)» трансұлттық компаниясының басқарма төрағасы Бинод Чаудхари жəне атқарушы директоры Варун Чаудхаримен кездесуі барысында білгілі болды, деп хабарлайды облыс әкімінің баспасөз қызметіне сілтеме жасай отырып Elitar.kz.
«Chaudhary Group (CG Global)» компаниясының өкілдері бірқатар жобаларды жүзеге асыруға ниетті екендіктерін білдірді. Атап айтқанда, қонақтар «Қасқасу» тау-шаңғы курортын салып, соған лайық қонақ үйлер мен инфақұрылым жүйелерін тартпақ. Жобаны жүзеге асыру үшін Испания немесе Швейцариядан тәжірибелі мамандарды тартуды көздеп отыр. Сонымен қатар, Түркістан өңірінен қонақ үй алып, кеспе өнімдерінің өндірісін кеңейту және өңірде «Food Park» азық-түлік паркін құруды ақылдасты.
