Үшемдер Шардара ауданы, Көксу ауылында тұратын Сапаровтар отбасында дүниеге келді.
Шардара ауданы Көксу ауылында тұратын Төребек Сапаров пен Мейрамгүл Мәмбетованың отбасында дүниеге үшем келді.
Жарық дүние есігін ашқан сәбилерге Аман, Есен, Жанерке есімдері берілген. Дәрігерлердің айтуынша, олардың анасының да, нәрестерлердің де жағдайы жақсы. Облыстық №1 перинаталды орталық дәрігерлерінің көмегімен аяғы ауыр әйелге жүктіліктің 32 аптасында ота жасалды. Шақалақтар 1740, 2250 және 2370 салмақпен дүниеге келді. 31 жастағы ана мен балалар толық дәрігерлер қадағалауында.
