Түркістан облыстық полиция департаментінің мәліметінше, тәртіп сақшылары темір тұлпарды айдап әкеткен күдіктіні жарты сағат ішінде ұстады.
Түлкібас аудандық полиция бөлімшесіне таңғы 7:30-дар шамасында жергілікті тұрғын арызданып, ауласында тұрған көлігінің таңертең жоқ болғандығын көрсеткен. Бұл жағдайдан соң тәртіп сақшылары дереу іздестіру шараларына кіріскен. Жәбірленушімен бірге іздеу жұмыстарына кіріскен тәртіп сақшылары ауданның маңызды жолдарын аралаудан бастаған.
"Түлкібас ауданынан 20 шақырым жерден жымқырылған көлікті кездестіреді. Белгілі болғандай шын мәнінде белгісіз тұлға күдіктінің көлігін түнгі уақытта айдап кетіп, арам пиғылын іске асырмақшы болған. Бүгінгі таңда аталған жайт Түлкібас АПБ қызметкерлерімен тіркеуге алынып, ҚР Қылмыстық кодексінің 200-бабы «Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу» бойынша қылмыстық іс қозғалды. Қазіргі уақытта тергеп-тексеру амалдары жүргізіліп, күдіктінің не мақсатпен көршісінің көлігін айдап кеткені анықталу үстінде.Тәркіленген автокөлік заңды иесіне қайтарылды",-деді полиция департаментіндегілер.
Жәбірленушінің айтуы бойынша көлікті айдап кеткен күдікті оның көршісі екен.
