Қазығұрт аудандық полиция бөліміне елордалық тұрғын шағым түсірген. Айтуынша, Қазығұрт ауданындағы қайын әпкесінің үйіне қонаққа келген. Үйден шығарда кір жуатын машинаның үстіне қойған әмиянын ұмытып кетеді. Артынша үйге қайта оралған соң әмиян ішіндегі 90 мың теңгенің тек 15 мыңы ғана қалғанын байқайды.
Түркістан облыстық Полиция департаментінің мәліметінше, аталған факт ҚР Қылмыстық кодексінің 188-бабы (Ұрлық) бойынша тіркеліп, күдікті ретінде келіннің қайын әпкесі ілікті. Оқиға орнына келіп жеткен полицейлер тексеру жұмыстарын жүргізген кезде әйелден жоғалған ақша тәркіленіп алынды. Өз кезегінде әйел азаматы өз кінәсін мойындады. Қазіргі таңда аталған іс бойынша сотқа дейінгі терегу амалдары жүріп жатыр.
