Бәйдібек ауданының полиция бөліміне жергілікті тұрғын жалдамалы малшы 10 қойын ұрлап әкеткенін айтып шағым түсірген. Мал иесіне келген шығын - 300 000 теңгеден астам.
Тәртіп сақшылары аталған жайтты ҚР ҚК-нің 188-бабы «Ұрлық» бойынша тіркеді.
Түркістан облыстық полиция департаментінің мәліметінше, жәбірленуші малын қарап, жаю үшін қойшы жалдаған. Алайда бір аптадан кейін жалдамалы жұмысшы оның қойларын ұрлап, белгісіз бағытқа қашып кеткен. Полицейлердің жүргізген жедел-іздестіру шараларын негізінде күдікті ретінде Тараз қаласының тұрғыны ұсталды. Күдікті өз кінәсін толық мойындады. Тәртіп сақшылары күдіктіден ұрланған малдың бір бөлігін тәркілеп алып, заңды иесіне қайтарды. Қазіргі уақытта сотқа дейінгі тергеу амалдары жүргізілуде.
(Көрнекі фото)
