Үстіміздегі жылдың 3 мамырынан бастап ТО Полиция департаментінің Экстремизмге қарсы іс-қимыл басқармасы мен №6506 әскери бөлімінің арнайы жасақ қызметкерлерімен бірлескен ауқымды жедел шаралары атқарылды, деп хабарлайды ТО ПД баспасөз қызметіне сілтеме жасай отырып Elitar.kz.
Түркістан, Сарыағаш, Сайрам, Жетісай секілді бірқатар қала, аудандарда жеделдетілген профилактикалық іс-шаралар кешені жүргізілді.
Мәселен, Түркістан қаласында орналасқан базарлардың бірінен ұялы телефондарды алып сату және жөндеу жұмыстарымен айналысатын азаматтардың арасында дәстүрлі емес деструктивтік діни ағымды ұстанушылар мен олардың жақтастары бар екендігі белгілі болды. Тыңғылықты тексеру нәтижесі көрсеткендей, күдіктілер қылмыстық жолмен ұрланған ұялы телефондарды алып сату, әлеуметтік, ұлттық, нәсілдік немесе діни алауыздықты қоздыру әрекеттерін іске асыру арқылы, ұялы телефонға арнайы деструктивтік ағымды насихаттайтын мәліметтерді жүктей отырып, тұтынушыларды арандатқан.
Бұл
істі полицейлер ҚР Қылмыстық кодекстің
174-бабы «Әлеуметтiк, ұлттық, рулық,
нәсiлдiк, тектік-топтық немесе дiни
алауыздықты қоздыру» бойынша СДТБТ-не
тіркеуге алды.
Қазіргі таңда тәртіп
сақшылары күдікті ретінде ұсталған үш
азаматқа қатысты тергеп-тексеру амалдарын
жүргізіп, уақытша қамауға алды. Айғақты
заттар тәркіленіп, сараптамалар
тағайындалды. Бұл іс аяқталған соң,
жинақталған барлық материалдар нақты
шешім шығарылу үшін сотқа жолданатын
болады.
