Мемлекет басшысының келісіміне сәйкес, ҚР Бас прокурорының бұйрығымен Түркістан облысының прокуроры қызметіне Алиханов Марат Тілеуқабылұлы тағайындалды.
Түркістан облысының жаңа прокурорын облыс активіне ҚР Бас прокурорының бірінші орынбасары Берік Асылов таныстырды.
Марат Алиханов бұрынғы 1965 жылы дүниеге келген. Е.Бөкетов атындағы Қарағанды мемлекеттік университетін «құқықтану» мамандығы бойынша бітірген.
Прокуратура органдарындағы еңбек өтілі 24 жылдан асады.
Еңбек жолын 1989 жылы Ақтөбе облысының Ақтөбе қалалық прокуратурасында тағылымдамашы-тергеуші қызметінен бастаған. Ақсу ауданының соты, Павлодар облысының Екібастұз ауданы, Ақсу қаласы мен Павлодар ауданының прокуроры қызметтерін атқарған.
Түрлі жылдары ҚР Бас прокуратураның Басқарма мен Құқықтық статистика және арнайы есепке алу жөніндегі комитетінде, Ақмола облысында құқық қорғау органдарының басшылық құрамында, ҚР Бас көлік прокуроры лауазымдарында жұмыс істеген.
Марат Алиханов Түркістан облысының прокуроры қызметіне тағайындалғанға дейін Павлодар облысы прокурорының бірінші орынбасары қызметін атқарып келді.
