Түркістан облысы аумағында полиция департаментінің қызметкерлері "Автобус" жедел-профилактикалық іс-шарасын өткізуде. Оған 400 полиция қызметкері, жол инспекциясы, прокуратура және басқа да мемлекеттік, қоғамдық органдардың өкілдері қатысуда.
"Төрт күн ішінде қоғамдық автокөлік жүргізушілерімен жасалған 1421 жол қауіпсіздік ережесін бұзғандар анықталды. Рейдтік іс-шара барысында заңсыз қайта жабдықтаудың 70 дерегін, 17 заңсыз жолаушы тасымалдау жайты және ластанған заттардың асып кетуі бойынша 8 жайт анықталды. Одан өзге заңсыз жолаушы мен жүк салғыштармен жүктерді тасымалдау - 206, міндетті техникалық байқаудан өтпеу - 83, рейс алдындағы ТҚК және медициналық байқаудан өтпеу - 14 жайты және азаматтық-құқықтық жауапкершіліксіз автокөлікті басқарудың 20 дерегі анықталды. Ал азаматтық-құқықтық жауапкершіліксіз автокөлікті басқарудың 65 дерегі белгілі болды" делінген облыстық полиция департаменті берген мәліметте.
Одан өзге патрульдік полицейлер ұялы телефонды немесе радиостанцияны пайдаланғаны үшін 293 жүргізушіні, жылдамдықты арттырғаны үшін – 88 және маневр жасау ережелерін бұзғаны үшін – 131 көлік жүргізушісін әкімшілік жауапкершілікке тартты.
Еске сала кетсек, «Автобус» жедел-профилактикалық іс-шарасы 2019 жылдың 17 қазанына дейін жалғасын табады.
