Олар екі ай көлемінде Түркістан облысындағы бес ауданда мал ұрлығымен айналысты деген күдікке ілініп отыр, деп хабарлайды облыстық Полиция департаментінің баспасөз қызметіне сілтеме жасай отырып Elitar.kz.
Ордабасы АПБ-нің кезекші бөлімшесіне жергілікті тұрғын аразданып, тамыз айында белгісіз тұлғалар мал жайылымдық жерінде жайылып жүрген 1 бас бұзауын жасырын ұрлап кеткенін көрсетеді. Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 188-бабы «Ұрлық» бойынша тіркелді. Дәл осындай арызбен полицейлерге тағыда бірнеше жәбірленушілер шағым түсірген.
Мал ұрыларын ұстау және орын алған қылмысты ашу мақсатында Түркістан облысы ПД тәжірибелі полицейлерден жедел-тергеу тобын құрған. Тәртіп сақшылары жақын аймақтарды қарап, куәгерлерден сұрастырып, мал сату орындары мен мал тасымалдаушы автокөліктерді тексеріп, басқа да қажетті іс-шараларды жүргізді.
"Жедел уәкілдер ер мен әйелді күдікті ретінде ұстады, олар Шымкент қаласының тұрғындары және ерлі-зайыпты болып шықты. Полицейлер анықтағандай мал ұрылары жайылымдағы адамдардың болмағанын пайдаланып, бұқалар мен егесіз қойларды ұрлап кеткен. Ол малдарды өздерінің автокөліктеріне салып, оқиға болған орыннан бой тасалаған. Олар ұрланған мүліктерді жайғастырып, ақшаларын өздерінің қажеттіліктеріне жұмсаған. Сондай-ақ полицейлер заң алдында жауапкершілікке тартылатын, ұрланған малдарды сатып алушы Шымкент қаласының тұрғынын ұстады. Тергеу олардың 10-нан астам мал ұрлығына қатыстылығын айқындады. Олар жасаған қылмыстар Ордабасы, Қазығұрт, Сайрам, Түлкібас және Бәйдібек сияқты облыс аудандарын қамтыған. Олар келтірген жалпы шығын жәбірленушілерге жарты миллион теңгені құраған" делінген Полиция департаменті берген мәліметте.
Аталған жайтқа қатысты «Ұрлық» бабы бойынша тергеп-тексеру амалдары жүргізілуде. Күдіктілер құрықталды. Тәртіп сақшылары ұсталғандардың басқа да осындай қылмыстарға қатыстылығын анықтауда.
