Түркістандықтар облыс аумағында тұратын қарт кісілер мен тұрмысы төмен көп балалы отбасыларға азық-түлік, керек-жарақтарын алып беріп, көмек қолдарын созуда. «Мейірімді ауылдастар» челленджі аясында атқарылып жатқан қайырымдылық шараларына кәсіпкерлер, еріктілермен қатар аудан, қалалардың белсенді жастары атсалысуда.
Облыс әкімдігі баспасөз қызметінің мәліметінше, Отырар ауданының ерікті жастары жергілікті кәсіпкерлермен бірлесіп 5 отбасыны азық-түлікпен қамтамасыз етіп, үй шаруаларына көмектесті. Ал Шардара аудандық «Жастар ресурстық орталығы» қызметкерлерінің ұйымдастыруымен аудан аумағындағы қарт кісілерге медициналық құрал-жабдықтар мен бір реттік азық-түліктер жеткізілді. Бәйдібек ауданының кәсіпкерлері елдімекендердегі әлеуметтік аз қамтылған 300 отбасыға 17,5 тонна ұн мен 1,75 тонна күріш, 1,75 тонна өсімдік майын таратуда.
