ҚР Премьер-министрі Асқар Маминнің Түркістандағы іссапары барысында облыс орталығында бой көтеретін халықаралық әуежайдың іргетасы қаланды, деп хабарлайды Elitar.kz тілшісі.
Халықаралық әуежай Түркістан қаласынан 16 км қашықтықта орналасқан. 900 гектар аумақта терминал, ұшу-қону жолағы және басқа да нысандар салу жоспарланып отыр.
Асқар
Мамин халықаралақ әуежай уақытылы пайдалануға
беру қажеттігін айтты.
Жаңа әуежайдың құрылысын
түркиялық инвесторлар жүргізеді. Салатын
мердігер мекеме түркиялық «ИДА ИНШААТ
САНАЙИ ВЕ ТИДЖАРЕТ АНОНИМ ШИРКЕТИ» (YDA
INŞAAT SANAYI VE TICARET ANONIM ŞIRKETI).
Компания басшысы Арслан
Хусейн Үкімет басшысына терминалдың
халықаралық және ішкі рейстерде сағатына
250 адам қабылдауға қауқарлы екендігін
жеткізді.
"Біздің компания Қазақстанда 18 жылдан бері жұмыс істеп келеді. Бұған дейін Ақтау әуежайын салдық. Ал бұл жобаға шамамен 100-120 млн доллар инвестиция саламыз деп отырмыз. Біз әуежайды уақтысында аяқтаймыз деп Премьер-Министрге уәде бердік. Мұнда 10 мың ш/м терминал ғимараты болады. Әуежай заманауи әрі халықаралық стандарттарға сай етіп салынады",-деді Арслан Хусейн.
Халықаралық әуежай 2020 жылдың желтоқсан айында пайдалануға берілмек. Бұл Тәуелсіз Қазақстан тарихында жаңадан салынатын тұңғыш әуежай болып табылмақ.
Айта кетейік, бүгінде Қазақстанда 22 ірі әуежай бар. Оның 14-і тек халықаралық рейстер бойынша қызмет көрсетеді. Барлығының іргетасы Кеңес Үкіметі тұсында қаланған.
