Өмірзақ Шөкеевтің қатысуымен Түркістан қаласында Арбат демалыс орны ашылды. Демалыс орнының ашылы салтанатына жиналған тұрғындар мен қала қонақтары су жаңа Арбаттың халыққа жайлы әрі көрікті жерлердің бірі болғанын атап өтті, деп хабарлайды Түркістан облыстық әкімдіктің баспасөз қызметіне сілтеме жасай отырып Elitar.kz.
Салтанатты шарада сөз алған Түркістан облысының басшысы Өмірзақ Шөкеев құттықтау тілегін білдіріп, қаланың әлі де қарқынды дами түсетіндігін айта өтті.
"Күні бүгінге дейін, шаһарға байланысты қаншама мемлекеттік деңгейдегі маңызды шаралар қаралып, Президентіміздің тікелей қамқорлығымен көз тоярлық игі істер атқарылып келеді. Қаншама түрік тілдес ұлт өкілдерінің де бір үйдің адамдарындай тату-тәтті ғұмыр кешіп жатқандығы баршамызды қуантады", - деді аймақ басшысы.
Шөкеевтің айтуынша, алдағы уақытта осы сияқты жиырма шақты гүлзарлар мен спрот алаңдары ашылады.
«Және, аталмыш демалыс орны орналасқан көше бойында барлық талаптарға сай сауда орындарын ашамын деушілерден сұраныстар да қабылдаймыз» деп атап өтті Өмірзақ Естайұлы.
Салтанатты кешке келген халық әртүрлі музыкалық асаптарда ойнаған музыканттар мен актерлердің өнерлеріне тәнті болды. Арбаттың атмосферасын көрсететін әлемдік, қазақстандық авторлардың музыкалық шығармалары, струнный квартет және саксофанист, күйші домбырашылар, Абайдың өлеңдерін, Қожа Ахмет Ясауидың хикметтерін оқып отырған актерлер, сурет салып отырған суретші мен ақ жаулықты әжелерге дейін осы салтанатты кештің ажарын ашты.
Айта кетейік, бұл жобаның құны – 99293,0 мың теңге. Жалпы аумағы – 0,15 га, абаттандыру жұмыстарын жүргізу үшін жері тегістеліп, бетон қабаты құйылды және 2600 м2 гранит тас төселді. Сонымен қатар 145х10 метр металлоконструкциялық ферма (аспалы метал құрастырылым) қойылып, түрлі - түсті шамдармен жарақтандырылған.
