Түркістан облысы әкімдігінің жанынан құрылған Call-орталыққа екі апта ішінде 37 мыңнан астам қоңырау келіп түсті. 109 номеріне хабарласқан азаматтардың көбі төтенше жағдай кезінде аудан мен қалалардағы тұрғындардың жүріп-тұруы, азық-түлік бағалары, халыққа қызмет көрсету орталықтары мен мемлекеттік мекемелердің жұмыс кестесі, көпбалалы және әлеуметтік аз қамтылған отбасыларға, мүгедектерге Үкіметтен берілетін әлеуметтік көмек жайындағы сауалдармен хабарласқан. Бұл туралы облыс әкімдігінің баспасөз қызметі хабарлады.
