15 ақпан, 16:20
Күрделі отаны Түркістан облысының мамандары германиялық әріптестерімен бірігіп жасады, деп хабарлайды Elitar.kz тілшісі.
Ота кезінде дәрігерлер салмағы 120 келі әйелдің тізе буынындағы жарамсыз шеміршегін тазалап, орнына жасанды буын қойып берді. Буын алмастыру отасы бес сағатқа жалғасқан.
Пышаққа түскен әйелдің буын ауруы семіздіктен пайда болған. Ауыр салмақ аяққа ауырлық түсіріп, салдарынан жүруден қалған. Бес жылдан бері қимыл қозғалысы шектелген азаматша жасанды буынның арқасында тік жүретін болды дейді дәрігерлер.
Айта кетейік, буын ауруы мазалайтындардың басым бөлігі семіздікке шалдыққан азаматтар. Бірақ дәрігерлер олардың барлығына жасанды буын қойып бере алмайды. Буын алмастыру отасын жасау үшін жергілікті ақ халаттылар шет елден мамандарды шақыртады.
Автор:
Elitar.kz
