Сайрам ауданы, Қарамұрт ауылдық округінің әкімі Мамуржан Нажиев коронавирус таралуының алдын алу бағытында блок-бекеттерде елеулі еңбек етіп отырғандарға осылайша көмек беруді жөн санапты. 
Демалыс уақытын пайдаланған шенеунік әзірлеген ас аудан бойынша орнатылған 6 блок-бекеттегі қызметкерлерге үлестірілді. Әрбір бекетте полицейлер мен медицина мамандарынан бөлек, төтенше жағдай қызметінің өкілдері де бар.
Айта кетейік, Түркістан облысының әкімі Өмірзақ Шөкеевтің тапсырмасына сәйкес, Сайрам ауданынан басқа аудан-қалаларға шығатын жол бойына 6 бекет қойылған. Оның үшеуі Қарасу ауылы мен Шымкент қаласының шекарасына, Қарабұлақ ауылы мен Түлкібас ауданының Шақпақ және Жамбыл ауылдарының шекарасына орнатылды. Арыс, Ақбастау, Құрлық және Бозарық ауылы мен елдімекендерінен Сайрам ауданына кіретіндер де бұдан былай арнайы жасақталған бригаданың тексеруінен өтеді.
Бекеттегі қызметкерлер екі ауысымда тексеру шараларын жүргізеді. Бірінші ауысым - сағат 8:00 - 16:00 аралығын қамтиды. Ал екінші ауысым жұмысы тағы 8 сағатқа жалғасып, кешкі 24:00-де бекеттер жабылады. 29 наурыздағы мәлімет бойынша бірінші ауысымда Сайрамға 4307 жолаушы керген. Тексеру барысында олардан дене қызуы анықталмаған.
