Түркістан облысы, Кентау қаласында ауыл әкімі жемқорлық әрекеті бойынша күдікке ілінді. Бұл туралы Сыбайлас жемқорлықпен күрес агенттігінің баспасөз қызметі хабарлады. Ондағы мәліметке сенсек, Кентау қаласына қарасты Ескі Иқан ауылдық округі әкімінің пара алу әрекеті бойынша сотқа дейінгі тергеу жүргізілуде. Оған жер учаскесінің ахуалдық схемасына қол қойғаны үшін жеке кәсіпкерден келісілген 4 млн 150 мың теңгенің 2 млн теңгесін пара ретінде алды деген айып тағылып отыр. Шенеунік кінәсін мойындады және адвокаттың қатысуымен жедел тергеу жүргізу туралы өтінішті мәлімдеді. Қазіргі таңда күдіктіге қатысты сотқа дейінгі терегу жұмыстары басталды.
